Corso di Lingua Siciliana Online in Sicilianu

Lingua Siciliana
Online

Chiedi il prezzo
Vuoi parlare del corso con un consulente?
Confronta questo corso con altri simili
Leggi tutto

Informazione importanti

  • Corso
  • Online
Descrizione

Obiettivo del corso: Conoscere la lingua siciliana e apprendere a scriverla correttamente.
Rivolto a: Tutti.

Informazione importanti

Domande più frequenti

· Requisiti

Avere almeno una conoscenza orale del siciliano

Programma

Secunnu Giorgiu Piccittu l'ortografia di la lingua Siciliana avissi a essiri ditirminata di la pronuzia di la lingua parrata. Chista fussi na bona regula, ma, comu nni ogni lingua, nni la lingua Siciliana ci sunnu dialetti, gerghi e nflissioni. Veni a diri spissu li paroli sunnu diffirenti di un paisi a n'avutru e la pronunzia varia assai di un puntu a n'avutru di l'isula.

Anchi si assai genti chiamanu a lingua Siciliana dialettu, chistu è sbagghiatu. Lu Sicilianu è na lingua e comu tali avi li sô dialetti. L'unicu problema, ed è un problema granni, è ca nun avemu reguli scritti di la nostra lingua: na grammatica, na sintassi, un trattatu di ortografia, pi farinni assirìri chi lu Sicilianu è na lingua naziunali, o riggiunali, di la Sicilia.

Nuiavutri avissimu ad aviri reguli di grammatica e sintassi unni l'ortografia e la funetica avissiru a essiri parti intigranti di lu prucessu.

Avemu tentativi di grammatica e di ortografia ma nun avemu nu studiu cuncritu e apprufunnutu di sti materi.

È na cosa strana ca li straneri ânnu dimustratu sempri ntiressi pi la nostra lingua, la nostra storia, la nostra littiratura, li nostri tradizioni. ecc., mentri nui Siciliani avemu sempri pigghiatu comu na cosa senza cuntu chiddu chi avemu, finu a lu puntu ca la nostra lingua sta murennu, e cu idda mori puru lu nortu passatu, la nostra storia e li nostri tradizioni. Mi dispiaci diri chi tuttu chistu è simplicimenti virgugnusu. Nui Siciliani nni avissimu a virgugnari di trattari accussì a nuiatri stissi.

Appuntu pi chistu ora iu provu a scriviri un cursu brevi di lingua Siciliana, pi circari di fari chiddu chi pozzu pi aiutari la nostra lingua, pi daricci quarchi ghiournu di vita di cchiù, si è pussibili. Lu vogghiu fari pi ddi Siciliani chi dicinu chi ànnu bisognu d'aiutu pi nzignarisi a scriviri lu Sicilianu, e pi circari di sprunari a quarcunu, macari pulemicamenti, a scriviri na bona grammatica, na sintassi, un trattatu di ortogragfia.

Vogghiu pruvari di stabiliri certi reguli quantu riguarda la lingua Siciliana scritta, aiutannumi cu G. Piccittu, cu G. Pitrè e cu lu mê istintu di Sicilianu. La Sicilia è na nazioni cu la sô lingua, lu sô guvernu e li sô liggi, e mentri tanti avutri riggioni di l'Italia ànnu già fattu appruvari lu dirittu di aviri avutu la sô lingua dichiarata lingua ufficiali di la propria riggioni, nui Siciliani semu ancora nta nu statu litargicu e apateticu, comu di solitu,versu la nostra matri patria e chiddu chi idda rapprisenta.

Programma del corso:

Indici:

Introduzioni
L’affabetu
Li vucali
Cunsunanti

ORTOGRAFIA

Consunanti duppi
Digrammi
Para cuntrastanti
Articuli
Pripusizzioni
Avverbi
Congiunzioni
L’apostrufu
Lu geniri
Aggittivi
Diminutivu, Maggiurativu, Piggiurativu
Cumparativu e Assolutu
Aggittivi pusissivi
Aggittivi Quantitativi
Aggittivi dimustrativi
Pronomi Dimustrativi
Pronomi Pirsunali
Aggittivi e pronomi pusissivi
Pronomi Relativi

VERBI

Ausiliari
Modu indicativu di li verbi Aviri i essiri
Modu Congiuntivu
Modu Cundiziunali
Modu imperativu
Infinitu
Participiu
Gerundiu

Coniugazioni
Modu indicativu
Modu Congiuntivu
Modu Cundiziunali
Modu imperativu
Infinitu
Participiu
Gerundiu

Formi Ntirrugativi
Alterazzioni di lu Participiu
Formi riflissivi

Li misi di l’annu:
Li iorna/jorna di la simana:
Li staciuni di l’Annu

Nummari cardinali
Nummari Ordinali


Confronta questo corso con altri simili
Leggi tutto